Спортнинг инсон саломатлигини сақлаш билан бирга фуқароларнинг жисмонан соғлом бўлишлари йўлидаги аҳамияти жуда катта. Шу боисдан мамлакатимизда мустақилликнинг дастлабки кунлариданоқ спорт-соғломлаштириш ишларига алоҳида эътибор қаратиб келинмоқда. Айниқса келажагимиз бўлган ёшларнинг жисмонан соғлом бўлишлари йўлидаги саъй-ҳаракатлар боис бугун таълим масканларида ҳам бу борадаги ишлар яхши йўлга қўйилмоқда.

11 ноябрдан бошлаб шаҳримиз бўйлаб ўтказилаётган маънавий-маърифий тадбирлар барча маҳаллалар кесимида бўлиб ўтмоқда. Таъкидлаш жоизки олим ва ўқитувчилар, ёзувчи ва шоирлар, спорт усталари, фаол ёшлар, санъаткорлар, маданият арбобларидан иборат тарғибот гуруҳлари томонидан ўтказилаётган ушбу тадбирларнинг мазмун-моҳияти мамлакатимизда олиб борилаётган кенг миқёсдаги ислоҳотларни аҳолига етказишга қаратилган. 

Мамлакатимизда янги замон авлодини тарбиялаш, улар дунёқарашини янгича қадриятлар асосида шакллантириш давлат сиёсати даражасига кўтарилди. Сўнгги йилларда мамлакатда таълим-тарбия тизимининг сифати ва самарадорлигини ошириш, таълимнинг узвийлиги ва узлуксизлигини таъминлаш борасида амалга оширилаётган тизимли ишлар бунинг ёрқин исботидир.

Шу кунларда юртимиз бўйлаб мамлакатимизда амалга оширилаётган ислоҳотларни маҳаллабай етказиш мақсадида маънавий-маърифий тадбирлар бўлиб ўтмоқда. 

Шаҳримизда ҳам тарғибот гуруҳлари томонидан маҳаллалар кесимида тарғибот тадбирлари ўтказилмоқда. Албатта ушбу тадбирларда шаҳримиз аҳолиси ҳам муносиб иштирок этмоқдалар.

Маҳаллалар кесимида мамлакатимизда амалга оширилаётган ислоҳотларни жамоатчиликка етказиш, ёшларни ватанпарварлик руҳида тарбиялаш, пандемия даврида аҳолини маънан қўллаб - қувватлаш мақсадида шаҳримиз бўйлаб ўтказилаётган тарғибот тадбирлари ҳамшаҳарларимиз томонидан ҳушнудлик ва катта қизиқиш билан қарши олинмоқда.