Махсус имкониятларКўриниш
Катталаштириш 0%
Сайтда экран сухандони мавжуд. Матнни эшитиш учун уни белгиланг.
Каттақўрғон шаҳар ҳокимлиги
Расмий веб-сайти
“Yashil makon” umummilliy loyihasi doirasida mamlakatimizda joriy yil 25 oktyabrdan 1 dekabrgacha kuzgi koʻchat ekish tadbirlari oʻtkazilishi belgilangan boʻlib, bu borada Kattaqo'rg'on shahrining barcha hududlarida ham ko‘chatlar ekish va bog‘lar barpo qilish ishlari qizgin olib borilmoqda.
Xususan, bugun Chinobod mahallasi hududidagi er maydoniga 550 tupdan ortiq Qayrag’och, Terak va Katalpa manzarali daraxt ko'chatlari o’tqazildi.
"Yashil makon" umummilliy loyihasi doirasidagi tadbirlarda Yoshlar ishlari agentligi shahar bo‘limi va mahalla yoshlar yetakchilari ham faol qatnashmoqdalar. Bugun bir guruh faol yoshlar ishtirokida "Yoshlar bog'i"ga 100 tupdan ortiq manzarali daraxt ko’chatlari ekildi.
Noqis mahallasida o‘tkazilgan “Chekishga qarshimiz” aksiyasida Ko‘p tarmoqli markaziy poliklinika xodimlari, hudud aholisi ishtirok etdi. Shu kuni aksiya doirasida aholining sog‘lom turmush tarzini qo‘llab-quvvatlash va jismoniy faolligini oshirish bo‘limi xodimlari ishtirokida aholiga profilaktika va tibbiy-sanitariya yordamlari va aholi o‘rtasida skrining o‘tkazildi.
Ixtisoslashtirilgan ta'lim muassasalari agentligi tizimidagi Kattaqo'rg'on shahar ixtisoslashtirilgan maktabida 21-oktyabr O'zbek tiliga Davlat tili maqomi berilganligining 34 yilligi munosabati bilan 7-sinf o'quvchilari o'rtasida "Ona tilim-faxrim"mavzusida ma'naviy tadbir bo'lib o'tdi.
Kattaqoʻrgʻon shahar ETK Quruvchi tarmogʻida avariya holati yuzaga kelganligi natijasida shahrimizning aksariyat mahallalarida elektr taʼminoti uzildi.
Hozirda mutaxassislar tomonidan avariya sababini aniqlash va uni bartaraf qilish boʻyicha zarur choralar koʻrilmoqda.
Kattaqoʻrgʻon shahar hokimligi axborot xizmati.
