Бугун шаҳар ҳокимлиги аппарат ходимлари учун навбатдаги сиёсий -маърифий ўқув соати бўлиб ўтди.
Иштирокчилар дастлаб, ҳафта давомида юз берган муҳим воқеалар шарҳи билан танишдилар.
Давлат хизматчиларининг иш фаолиятида мулоқот ва муомала маданиятининг алоҳида ўрни бор. Ўқув соати давомида  давлат хизматчилари учун  “Мулоқот маданияти ва нотиқлик санъати” мавзусида ҳам батафсил маълумот берилди.

Давлатимиз раҳбарининг ташаббуси билан “Оқила аёллар” ҳаракати ташкил қилинди. Ҳаракат аъзолари энг фаол ва ташаббускор, катта ҳаётий тажрибага эга бўлган хотин-қизлардан иборат бўлиб, вилоятда 40 нафар, туман ва шаҳарларда 30 нафар ҳамда маҳаллаларда 15 нафардан ташкил топган.

Шаҳримиздаги “Яккабоғ” маҳалласида “Обод маҳалла” давлат дастури асосида қурилиш-таъмирлаш ишлари амалга оширилмоқда.
Шу кунларда маҳалладаги кўчаларни асфальт ётқизишга тайёрлаш ишлари жадаллик билан кетмоқда. Шунингдек, дастур доирасида маҳаллада  янги 160 КВа Трансформатор пункти ҳам ўрнатилди. Бу ҳудудда аҳолининг электр таъминоти билан боғлиқ муаммоларини бартараф этади.  

Мамлакатимизда хотин-қизларни ҳар томонлама қўллаб- қувватлаш давлат сиёсати даражасига кўтарилгани сир эмас. Бу борада чиқарилган қарор ва фармонлар ушбу йўналишдаги ишларнинг самарадорлигини янада оширишда муҳим аҳамият касб этмоқда.

Аёлларнинг жамиятдаги айниқса, оиладаги ўрнини юқори эканлигини алоҳида эътироф этиш жоиз. Зеро, улар не-не буюк зотларни, миллат давомчиларини дунёга келтирувчилардир. Шу боисдан ҳам мамлакатимизда аёлларни соғлом авлодни дунёга келтиришларига алоҳида эътибор қаратилган.