Oʻzbekiston Respublikasi Konstitutsiyasi qabul qilinganligining 31 yilligi bayrami arafasida shahrimizdagi 20 umumiy oʻrta taʼlim maktabining yangi qurilgan oʻquv binosining ochilish tadbiri oʻtkazildi.

Hamshahrimiz, shahar sport maktabi va 3 umumta’lim maktabi o‘quvchisi Sevara Mamatova boks bo‘yicha Jahon chempionatida muvaffaqiyatli ishtirok etib, chempionlikni qo‘lga kiritgan edi.
Bugun chempionni kutib olish uchun shahar hokimligi vakillari, sektor rahbarlari, yoshlar shahar darvozasi oldida yig‘ildilar. Davlat bayrog‘ini baland ushlab kirib kelgan Sevara Mamatovani kattaqo‘rg‘onliklar o‘zgacha faxr va iftixor bilan qarshi oldilar.  

Kattaqoʻrgʻon shahar Tibbiyot birlashmasida shahar prokurori I.Nuriddinov, shahar hokimi oʻrinbosari J. Nosirov hamda shahar DSI boshligʻi F. Gʻaniyevlar ishtirokida yigʻilish oʻtkazildi. Dastlab soʻz olgan shahar prokurori sohada korrupsiya holatlarini yuzaga keltiruvchi holatlarni bartaraf etish, bu boradagi javobgarlik choralari haqida soʻz yuritdi.

Ayni vaqtda Samarqand viloyati delegatsiyasi tarkibida Kattaqo‘rg‘on shahar hokimi Gavhar Alimova Xitoy Xalq Respublikasida bo‘lib turibdi. Tashrif doirasida delegatsiya Xitoyning Szyansu hamda Chjenchjou provinsiyalariga tashrifi va muzokaralar o‘tkazilishi rejalashtirilgan.

O‘zbekiston Respublikasi Konstitutsiyasi qabul qilinganligining 31 yilligi munosabati bilan shahrimizdagi yoshlar yetakchilari tomonidan “Mening Konstitutsiyam” nomli chellenj o‘tkazilmoqda. 
Muhimi ushbu chellenjda hamshaharlarimiz juda faol ishtirok etmoqdalar.