Davlat soliq qo‘mitasi tashabbusi bilan Vatanimiz Konstitutsiyasi qabul qilinganining 30 yilligiga bag‘ishlab ishlab chiqilgan "30 yil va 30 yosh uchrashuvi" loyihasnining Samarqand viloyati bosqichi o‘tkazildi.

Бугун Каттақўрғон шаҳар ҳокимлигида давлат фуқаролик хизматчилари учун сиёсий-маърифат соати ўтказилди. 

Ўқув соати аввалида иштирокчиларга ҳафта давомида юртимизда ҳамда хорижда рўй берган муҳим воқеалар ҳақида маълумотлар берилди.
Шундан  сўнг маърузачилар қуйидаги мавзулар бўйича маъруза қилдилар:

Президентимиз ташаббуси билан оила ва хотин-қизларни қўллаб-қувватлаш, уларнинг ҳуқуқ ва қонуний манфаатларини ҳимоя қилиш соҳасидаги ягона давлат сиёсатини ишлаб чиқиш ва амалга ошириш бўйича ваколатли давлат органи Оила ва хотин-қизлар қўмитасининг ва маҳаллаларда оилалар тинчлиги ва мустаҳкамлигини таъминлаш, хотин-қизларни ҳар томонлама қўллаб-қувватлаш мақсадида маҳаллаларда хотин-қизлар фаоллари лавозимининг жорий этилгани бу борадаги тизимли ишларни ташкил қилишда муҳим омил бўлди.

“Инсон қадри учун” ғояси асосида олиб борилаётган кенг миқёсдаги ислоҳотларни амалга оширишда  давлат ва жамоат ташкилотлари билан бир қаторда касаба уюшмаларининг ҳам алоҳида ўрни бор.  Ўзбекистон Касаба уюшмалари куни муносабати билан Давлатимиз раҳбари йўллаган табрикда ҳам бунга алоҳида тўхталган.

Хотин-қизларни қўллаб-қувватлаш борасида олиб борилаётган ишлар улар учун муносиб турмуш шароитини яратишга хизмат қилмоқда. Бу борада оила ва хотин-қизлар бўлими ҳамда маҳаллалардаги ҳоким ёрдамчилари, хотин-қизлар фаолларининг самарали меҳнатлари муҳим аҳамият касб этмоқда.