Махсус имкониятлар
Bugun Kattaqo’rg’on shahrida “Jinoyatchilikka qarshi kurash”, “Mahalla xavfsizligi uchun hammamiz birgalikda mas’ulmiz” hamda “Obod va xavfsiz mahalla” mavzularida seminar o‘tkazildi.
Unda mahalla beshligi, jamoatchilik vakillari hamda Respublika prokuraturasi, Ichki ishlar vazirligi ishchi guruhi a’zolari ishtirok etdi. Seminar davomida jinoyat va huquqbuzarliklarga qarshi kurashish, mahallalarni obod va xavfsiz makonga aylantirish borasida ma’ruzalar qilindi.
Shuningdek, seminarda yoshlar va voyaga yetmaganlar o‘rtasida yuz berayotgan noxush holatlarga chek qo‘yish yuzasidan tavsiyalar, qo‘shma qaror bilan belgilangan vazifalar bo‘yicha tushuntirishlar berildi. Tadbir davomida ishtirokchilarning savollariga batafsil javoblar berildi.
Kattaqorg’on shahar hokimligi axborot xizmati.
