Янги йил арафасида фойдаланишга топширилган объектлардан яна бири истироҳат боғидаги “Эртак” қаҳвахонаси ўрнида барпо этилган маданият маркази бўлди. 

Энди ушбу масканда шаҳар ҳокимининг ташаббуси билан Халқ жамоалари маданият маркази фаолият юритади. Яқинда ушбу бино шаҳар маданият бўлими тасарруфига ўтказилган эди.

Каттақўрғон шаҳридаги Алишер Навоий кўчасида жойлашган "Бриллиант қўллар Инвест" МЧЖ томонидан "Аёлларни уй хизматига тайёрлаш мактаби" лойиҳаси асосида ташкил этилган ўқув маркази ҳам янги йил арафасида фойдаланишга топширилди. Очилиш тадбирида шаҳар ҳокими Гавҳар Алимова иштирок этди. Тадбир қатнашчилари марказда яратилган шарт-шароитлар билан яқиндан танишдилар.

Шаҳримизда маҳаллаларни энг обод ва намунали ҳудудга айлантириш борасида бир қатор ишлар қилинмоқда.

Кейинги кунларда шаҳримизда рўй бераётган ўзгаришлар, шаҳар ижтимоий-иқтисодий ҳаётини яхшилаш йўлида амалга оширилаётган ислоҳотлар шаҳар аҳолисини беҳад қувонтирмоқда. Текис ва равон бўлаётган кўчалар, обод маҳаллалар, муҳташам бинолар шаҳар кўркига янада кўрк бермоқда.

Азалдан халқимизда ўзбек миллатининг фахри бўлмиш бош кийимлар хамиша эъзозланган. Ҳунарманд-косибчиликнинг ноёб турларидан бўлган телпакдўзлик бугунги кунда ҳам энг керакли касблардандир, қолаверса ота-боболаримиз мероси, илму-ҳунарини давом эттириш, янада ривожлантириш ҳар бир ўзбек миллати учун ҳам фарз ҳам қарздир.