Ёз мавсуми кириб келганлиги муносабати билан ҳаво-ҳароратининг кескин кўтарилиши ҳар-биримизни салқин сувда танамизни совутиб, чўмилишга бўлган эҳтиёжимиз ортади. Лекин Каттақўрғон шаҳар ҳудудида махсус чўмилиш зоналари (боссейн, пляж) лар йўқлиги сабали фуқароларимиз, вояга етмаган болалар чўмилиш тақиқланган сой, анҳор ва каналларда чўмилиш ҳолатлари кузатилади.

Каттақўрғон шаҳар ҳудудидан оқиб ўтувчи Наҳрипай ва Миёнкол каналлари чўмилиш тақиқланган каналлар ҳисобланади. Чунки бу каналлар чўмилиш учун эмас оқава сувларнинг чиқиши учун мўлжалланган. Бу жойларда чўмилиш нима учун инсон ҳаёти учун хавфли ҳисобланади ? 

Сув остида қандай жисмлар борлиги номаълум.

Сувнинг санитария ҳолати инсон саломатлиги учун хавфли, яьни ҳар-хил юқумли касалликларни келтириб чиқариши мумкин.

Сувда заҳарли жонзотлар бўлиши мумкин. (илон, чаён в.х.к лар)

Коронавирус инфекциясини юқтириб олишингиз эҳтимоли мавжуд.

Ушбу қоидаларга амал қилиш, тақиқланган ҳудудларда чўмилмаслик шаҳримизнинг ҳар-бир фуқаросидан талаб этилади, зеро сиз ва яқинларингиз саломатлиги муҳим аҳамиятга эга. Бу борада ҳудудидан Наҳрипай ва Миёнкол каналлари суви оқиб ўтувчи маҳалла фуқаро йиғинлари раисларининг ушбу ҳудудларда чўкиш ва бошқа нохуш ҳолатларни олдини олиш мақсадида Фавқулодда вазиятлар бўлими ходимлари билан ҳамкорликда чўмилишни тақиқловчи белгилар ўрнатиши ва маҳалла фуқаролари билан кенг қамровли профилактик тушунтириш ишлари олиб бориши талаб этилади.  

С.Муҳаммадиев,

Каттақўрғон  шаҳар ФВБ 

бошлиғи в.в.б майор.