SamDU Kattaqo'rg'on filiali direktori Sherzod Raxmonovich Urakov talabalar bilan navbatdagi uchrashuv, bevosita muloqot o'tkazdi. Direktor o'rinbosarlari, Korrupsiyaga qarshi kurashish kompleans nazorati bo'limi mas'ullari ham qatnashgan uchrashuvda direktor talabalar bilan muloqot davomida bugun talabalar bilimini xolis va haqqoniy baholash, pedagog kadrlar tayyorlash sohasini rivojlantirishga qaratilayotgan e'tibor, iqtidorli talaba-yoshlarni qo'llab-quvvatlashga doir islohotlar, mamlakatimizda malakali kadrlarga bo'lgan ehtiyoj to'g'risida to'xtalib o'tdi. SamDU Kattaqo'rg'on filialida olib borilayotgan o'quv, ilmiy, ma'naviy-ma'rifiy yo'nalishlardagi faoliyat hamda bunga talabalarning munosabati, taklif va murojaatlariga quloq tutildi.