Axmedov Jamshid Kurbanbayevich-Kattaqo‘rg‘on shahar hokimining  qurilish,  kommunikatsiyalar, kommunal xo‘jalik,  ekologiya  va  ko‘kalamzorlashtirish masalalari bo‘yicha o‘rinbosari

Tug‘ilgan yili:23.08.1988 y Tug‘ilgan joyi: Samarqand viloyati, Pastdarg‘om tumani
Millati:o‘zbek 
Ma’lumoti:oliy Tamomlagan: 2013 y. Samarqand davlat arxitektura qurilish instituti
Ma’lumoti bo‘yicha mutaxassisligi: yer usti transport tizimlari
 

MЕHNAT FAOLIYATI

2006-2009 yy. - Pastdarg‘om tumani 118-umumiy o‘rta ta’lim maktabi o‘qituvchisi
2009-2013 yy. - Samarqand davlat arxitektura qurilish instituti talabasi
2013-2015 yy. - Pastdarg‘om tumani 118-umumiy o‘rta ta’lim maktabi o‘qituvchisi
2015-2019 yy. - Kattaqo‘rg‘on shahar hokimligi jamoat va diniy tashkilotlar bilan aloqalar bo‘yicha mutaxassisi, kapital qurilish, kommunikatsiyalar va obodonlashtirish masalalari bo‘yicha yetakchi mutaxassisi, shahar hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari bosh mutaxassisi
2019-2022 yy. - Kattaqo‘rg‘on shahar Obodonlashtirish boshqarmasi boshlig‘i
2022 y. - h.v.-Kattaqo‘rg‘on shahar  hokimining kapital qurilish, kommunikatsiyalar va kommunal xo‘jalik masalalari bo‘yicha  o‘rinbosari, urilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari

Shaharda sanoatni rivojlantirish, kapital qurilish, kommunikatsiyalar va kommunal xo‘jalik majmuiga rahbarlik qiladi. Sohaga dahldor bo‘lgan O‘zbekiston Respublikasi qonunlari, Prezident farmonlari, qarorlari va farmoyishlari, hukumat qarorlari va farmoyishlari, xalq deputatlari shahar Kengashi va shahar hokimi qarorlari ijrosini tashkil etadi.

O‘zbekiston Respublikasi Konstitutsiyasi, "Mahalliy davlat hokimiyati to‘g‘risida"gi O‘zbekiston Respublikasi Qonuni, O‘zbekiston Respublikasining boshqa qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining hujjatlari va topshiriqlari, O‘zbekiston Respublikasi Vazirlar Mahkamasi, viloyat hokimligining qarorlari va topshiriqlari bilan hokimlikka yuklangan vazifalarni bajarish yuzasidan aniq chora-tadbirlarni ishlab chiqadi va amalga oshiradi.

Hududning sanoat salohiyatini jadal rivojlantirish, yuqori qo‘shilgan qiymatli, raqobatbardoshli mahsulotlar ishlab chiqarish bo‘yicha ishlab chiqarishlarni kengaytirish asosida hududning eksport salohiyatini oshirishga yo‘naltirilgan mineral-xomashyoni yanada chuqur qayta ishlash bo‘yicha yangi, yuqori texnologiyali ishlab chiqarishlarni tashkil etish dasturiy chora-tadbirlarini amalga oshiradi.

Sanoatning ishlamayotgan korxonalari faoliyatini tiklash
chora-tadbirlari amalga oshirilishini muvofiqlashtirish, mahsulotlar, butlovchi buyumlar va materiallarni mahalliylashtirish dasturlari amalga oshirilishini ta’minlaydi.;

Sanoatni rivojlantirish sohasida islohotlarni chuqurlashtirish bo‘yicha chora-tadbirlarni amalga oshiradi  va  yirik  korxonalarga  investitsiyalarni jalb etishga imkoniyat yaratadi.

Shaharda standartlashtirish, metrologiya, sertifikatlashtirish sohasida yagona davlat siyosati o‘tkazilishini tashkil qilish, xalqaro standartlarni qo‘llash, shu jumladan sifatni boshqarish tizimi bo‘yicha mahsulotlarning sifati va raqobatbardoshligini oshirish, iste’mol bozorini  sifatli maxsulotlar bilan to‘ldirishga hamda korxonalarning moliyaviy barqarorligini ta’minlanishiga, o‘zaro hisob-kitoblarni muvofiqlashtirilishiga asosiy e’tiborni qaratadi.

Qurilish industriyasini va qurilish materiallari sanoatini rivojlantirish, kapital qurilish va kommunal sohasida iktisodiy isloxotlarni chuqurlashtirish, qurilish subyektlari o‘rtasida bozor munosabatlarini joriy etish, pudrat, loyiha ishlari va qurilish materiallari bozorini shakllantirishni tashkil qiladi.

Shuningdek, pudrat tashkilotlarini mutanosib rivojlantirish va ularning moddiy-texnika bazasini mustahkamlash bo‘yicha chora-tadbirlarni amalga oshiradi.

Hududda shaharsozlik xujjatlarini shakllantirish va yuritish bo‘yicha tashkiliy-huquqiy chora-tadbirlar  hamda  shaharsozlik  va shaharsozlik faoliyati sohasida davlat siyosatini amalga oshiradi.

Avtomobil yo‘llarini rivojlantirish, avtomobil yo‘llaridan foydalanish va ta’mirlash, aholiga transport va aloqa xizmati ko‘rsatishni yaxshilash, sohaga bozor munosabatlarini joriy qilish masalalarini muvofiqlashtiradi.

Transport xizmati ko‘rsatishni yaxshilash, transport sohasida davlat xizmatlarini ko‘rsatish chora-tadbirlarini  amalga  oshiradi,  transport  va kommunikatsiya komplekslarida infratuzilmani shakllantiradi.

Muhandislik va yo‘l-transport infratuzilmasini jadal rivojlantirish chora-tadbirlarini  amalga  oshirish,  yo‘llar, transport  inshoatlarini  rivojlantirish va aholini ichimlik suvi hamda tabiiy gaz bilan ta’minlash, shuningdek aholi punktlarini obodonlashtirishni ta’minlash bo‘yicha dasturni bajarilishiga yunaltirilgan chora-tadbirlarni amalga oshiradi.

Kapital qurilishni tashkil etish va pudrat ishlari dasturlarini amalga oshirish, kapital qurilishda iqtisodiy islohotlarni amalga oshirish, loyihalashning zamonaviy uslublarini joriy etish, pudrat ishlari bozorini shakllantirish, pudrat tashkilotlar va qurilish industriyasi korxonalarining ishlab chiqarish hamda iqtisodiy salohiyatini rivojlantirish masalalari bilan shug‘ullanadi, davlat ahamiyatiga ega bo‘lgan qurilishlarning borishini nazorat qiladi.

Yagona davlat investitsiya siyosatini amalga oshirish yuzasidan chora-tadbirlar ishlab  chiqilishini  ta’minlaydi  hamda investitsiya dasturlariga muvofiq ravishda qurilishlar manzilli ro‘yxatini shakllantiradi va tasdiqlaydi, barpo etilayotgan  obyektlarning o‘z vaqtida ishga tushirilishi yuzasidan nazoratni amalga oshiradi.

Ko‘rsatilayotgan uy-joy-kommunal xizmatlar darajasi va sifatini oshirish, xususiy uy-joy mulkdorlari  shirkatlarining  faoliyat  ko‘rsatishiga har tomonlama ko‘maklashishga yo‘naltirilgan chora-tadbirlarni amalga oshiradi.

Kommunal sohani isloh qilish, boshqaruv tizimini takomillashtirish va energiyani tejaydigan texnologiyalarni joriy etish, issiqlik ta’minoti tizimlarini modernizatsiya qilish ishlariga rahbarlik qiladi.

Energetika, neft, gaz korxonalari va boshqa biriktirilgan tashkilotlarda iqtisodiy islohotlarni izchillik bilan amalga oshirishni ta’minlaydi.

Resurslarni tejovchi texnologiyalar va mexanizmlar joriy etilishini, yoqilg‘i-energetika resurslari tejalishini ta’minlovchi dasturlarni  amalga  oshirish bo‘yicha chora-tadbirlarni belgilaydi.

Ikkilamchi qora va rangli metallarni to‘plash hamda topshirish ishlarini tashkil qiladi.

Bolalar sportini rivojlantirish masalalarida sport inshooatlarini qurish va obodonlashtirish ishlari bilan shug‘ullanadi.

Aholi punktlarini obodonlashtirish, kommunal xo‘jaligini rivojlantirish, shahar markazlari va aholi punktlarini obodonlashtirish boshqarmalari ishlarini muvofiqlashtiradi.

Aholini sifatli ichimlik suv, oqava suv tarmog‘i bilan va sanitariya jihatidan tozalash tizimi bilan ta’minlash, aholini toza ichimlik suvi va tabiiy gaz bilan ta’minlanish darajasini yaxshilash choralarini ko‘radi.

Biriktirilgan sohalarda ijro intizomini mustahkamlash va ulardagi ahvolni tanqidiy tahlil qilish, kadrlarni tanlash, tarbiyalash va qayta o‘qitish masalalari bilan shug‘ullanadi hamda ularni lavozimlarga tayinlash, ozod qilish bo‘yicha Tashkiliy nazorat guruhi bilan birgalikda shahar hokimiga takliflar beradi.

Xalq deputatlari shahar Kengashining tegishli doimiy komissiyalari bilan hamkorlikda ish olib boradi.
 

Tasarrufidagi kotibiyat va tegishli tashkilot hamda muassasalarda O‘zbekiston Respublikasi Vazirlar Mahkamasining 1999 yil  12 yanvardagi “Ijro  intizomini mustahkamlash chora-tadbirlari to‘g‘risida”gi 12-son hamda  1999 yil 29 martdagi “O‘zbekiston Respublikasi davlat hokimiyat va boshqaruv organlarida ish yuritish va ijro nazoratini tashkil etish bo‘yicha normativ xujjatlarni tasdiqlash to‘g‘risida”gi 140-son qarorlari talablari asosida  ish tashkil  etilishi  va  ijro  intizomini  mustahkamlaydi. 

O‘z yo‘nalishiga taalluqli muammoli masalalarni hal etish hamda sohalarini rivojlantirishning istiqbolli vazifalarini amalga oshirish yuzasidan takliflar va aniq chora-tadbirlarni ishlab chiqadi hamda hokimga taqdim etib boradi.

Jismoniy va yuridik shaxslarning murojaatlarini “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuniga muvofiq ko‘rib chiqadi.

Qonun hujjatlariga muvofiq boshqa vazifalarni ham bajaradi.

Quyidagi komissiyalar ishiga rahbarlik qiladi:

Qora va rangli metallar parchalarini, chiqindilarini tayyorlash va topshirishni nazorat qilish bo‘yicha shahar komissiyasi;

Aholi punktlarini kompleks qurishni nazorat qilish hududiy komissiyasi;

Yoqilg‘i-energetika resurslarini tejash shahar komissiyasi;

Yo‘llarda harakatlanish xavfsizligini ta’minlash komissiyasi;

Chiqindilar bilan bog‘liq ishlarni amalga oshirish tizimini muvofiqlashtirish va takomillashtirish bo‘yicha shahar komissiyasi;

shahar hokimligi huzuridagi yong‘in xavfsizligi bo‘yicha komissiya;

qonun hujjatlariga muvofiq tashkil etiladigan boshqa hududiy komissiyalar va kengashlar.

Quyidagi komissiya va Kengashlar ish faoliyatini tashkil etadi:

Iqtisodiyot tarmoqlari va ijtimoiy soha obyektlarini
2018/2019 yillar kuz-qish davrida barqaror ishlashga tayyorlashni muvofiqlashtirish bo‘yicha shahar komissiyasi;

Energiya samaradorligi va energiyaning tiklanadigan manbalarini rivojlantirish masalalari bo‘yicha shahar komissiyasi;

Yer tanlash va ajratish komissiyasi (realizatsiya qilish) masalalarini ko‘rib chiquvchi shahar komissiyasi;

Toshqinga qarshi kurash bo‘yicha shahar komissiyasi;

Favqulodda vaziyatlarning oldini olish va ularni bartaraf etish bo‘yicha hududiy komissiyasi.

Quyidagi tashkilotlar faoliyatini muvofiqlashtiradi:

Shahar uy-joy kommunal xizmat ko‘rsatish bo‘limi;

Shahar arxitektura va qurilish bo‘limi;

shahar hokimligi yakka tartibda uy-joy qurilishini muvofiqlashtirish  bo‘limi;

shahar “Toza hudud” davlat unitar korxonasi;

shahardagi mulk shaklidan qat’iy nazar barcha loyihalashtirish institutlari;

shahar Investitsiya bo‘limi;

shahar obodonlashtirish boshqarmasi;

“Markazgazta’minot” UK hududiy tashkiloti;

shahar elektr tarmoqlari korxonasi;

mintaqaviy temir yo‘l uzelining shahar bo‘limi;

Qora va rangli metallar tayyorlov idoralari;

og‘ir sanoat, mashinasozlik va elektrotexnika sanoati korxonalari;

agrosanoat korxonalaridan tashqari sanoat korxonalari;

 “Suvoqova” davlat unitar korxonasi;

Ko‘mir yetkazuvchi korxonalar;

qurilish industriyasi korxonalari;

qurilish-montaj pudrat tashkilotlari;

loyihalash muassasalari;

Yer tuzish va ko‘chmas mulk kadastr;

transport tashkilotlari;

tabiatni muhofaza qilish qo‘mitasi shahar bo‘limi;

veterinariya shahar bo‘limi;

Kattaqo‘rg‘on shahar “Mexanizatsiyalashgan kolonna №12“ ma’suliyati cheklangan jamiyat shaklidagi tobe xo‘jalik jamiyati direktori

SRPP Yo‘l qurilish korxonalari