22–23-avgust kunlari butun mamlakatimiz bo‘ylab “Obod va fayzli mahalla – yurt ko‘rki” shiori ostida umumxalq xayriya hashari o‘tkazilmoqda.

Bugun Kattaqo‘rg‘on shahrida Oqila ayollar, otinoyilar, ijodkor ayollar, mahallardagi xotin-qiz raislar, xotin-qizlar faollari tashabbus ko‘rsatib shahrimizdan o‘tadigan chiqish kanalining ikkala tomonida Obi hayot ko‘chasi bo‘ylab hashar tashkil etildi. 

Mazkur hashar davomida ushbu ko‘chadagi salomatlik yo‘lagi atrofi tozalanib, kanal yoqasidagi beton to‘siqlar va daraxtlar oqlandi hamda hududni obodonlashtirish ishlari amalga oshirildi.

Shahrimiz xotin-qizlari vakillari yurtimizda o‘tkazilayotgan umumxalq xayriya hashariga yushqoqlik va hamjihatlikda o‘z hissalarini qo‘shganliklaridan mamnun bo‘lib, vatanimiz tinchligi va obodligini so‘rab duo qildilar. 

Kattaqo‘rg‘on shahar hokimligi axborot xizmati.