Bugun shahar drama teatrida ikki karra Osiyo va jahon chempioni Sevara Mamatovaning g‘alabasi munosabati bilan uchrashuv hamda taqdirlash tadbiri o‘tkazildi. Unda shahar hokimi Gavhar Alimova, Boks bo‘yicha Olimpiya chempioni Fazliddin G‘oyibnazarov, Sevara Mamatovaning ota-onasi, sektor rahbarlari, shahar jamoatchiligi va yoshlar vakillari ishtirok etishdi.

Tadbir davomida so‘zga chiqqanlar tomonidan Sevaraning qisqa vaqt ichida sport sohasida erishgan yutuqlarini hamda uning otasi va ustozi Furqat Mamatovni mehnatlari e’tirof etilib, chempion va uning ustozi shahar hokimligi tomonidan munosib taqdirlandi.

Uchrashuvda yoshlar o‘zlarini qiziqtirgan savollariga javob olishdi va Sevara Mamatovani kelajakda olimpiya chempioni kamarini qo‘lga kiritib, Vatanimiz bayrog‘ini baland ko‘tarishiga tilak bildirishdi.