Shahar hokimligi masʼullarining maktablardagi shart – sharoilarni oʻrganishlari borasidagi ishlar doirasida hokim oʻrinbosarlari Sh.Kuchkarova, J.Gʻaniyev va yoshlar ishlari boʻlimi boshligʻi B.Qoʻziyevlar 13-umumtaʼlim maktabida boʻldilar.

Oʻrganish davomida oʻquvchi-qizlar bilan oʻqish jarayonlari, boʻsh vaqtlarning oʻtkazilishi, toʻgaraklarga qatnashishlari yuzasidan suhbatlashildi. 
Qizlarning  odob-axloqi, maktab tartib-qoidalariga rioya etishlari boʻyicha tushuntirishlar berildi.

Shuningdek, muntazam dars qoldiradigan oʻquvchilar bilan suhbatlashish maqsadida masʼullar ularning xonadonlariga bordilar. Ota-onalar bilan suhbat davomida ularning muammolari oʻrganildi va joyida ijobiy yechim topildi.

Masʼullarning maktablarni oʻrganishlari davom etadi.