Shahrimizda Singapurning "Marshall Cavendish Education" xalqaro ta’lim tashkiloti bilan hamkorlikda o‘tkazilayotgan o‘quvlarning 3-bosqichiga tayyorgarlik jarayonlari ketmoqda. Bugun shahrimizda bo‘lgan Maktabgacha va maktab ta’limi vazirining maslahatchisi Ulug‘bek Tashkinboev boshchiligidagi ishchi guruh shahar hokimi Gavhar Alimova hamda boshqarma boshlig'i SH.Eshquvvatov, SamDU Kattaqo'rg'on filiali direktori SH.Urakov hamrohligida 2-son IDUMda bu borada yaratilgan sharoitlar bilan tanishdi.

O‘rganishlar davomida shahar hokimi bugungi kunda yurtimizda, jumladan, Kattaqo‘rg‘on shahrida ta’limga berilayotgan e’tibor, xususan ushbu o‘quvlarning nechog‘liq muhimligi va undan kutilayotgan natijalar, O‘zbekistonning 2025-yilda PISA xalqaro baholashdagi ishtiroki to‘g‘risida fikr va mulohazalarini bildirdi.

Shuningdek, o‘quvlarni samarali tashkil qilish bo‘yicha vazifalar belgilab olindi.

Kattaqo‘rg‘on shahar hokimligi axborot xizmati.