Shu kunlarda yurtimiz bo‘ylab eng aziz va eng ulug‘ bayram Mustaqilligimizning 33 yilligi keng nishonlanmoqda. Bayramni kattaqo‘rg‘onliklar ham ko‘tarinkilik bilan kutib olmoqdalar. Ayniqsa, ushbu qutlug‘ sana oldidan mahallalarda bayram shodiyonalari yoshu-qari, barchani shukronalik hissi ostida birlashtirmoqda.
“Navhabor” mahallasida yig‘ilgan mahalla ahli bayram dasturxoni atrofida bugungi tinch va totuv kunlarga shukrona keltirdilar. Tadbirda ishtirok etgan shahar hokimi Gavhar Alimova yig‘ilganlarni bayram bilan muborakbod etdi va kelgusida mahallalarimiz yanada obod, xonadonlarimiz farovon, oilalar mustahkam bo‘lishini, shahrimiz yanada gullab yashnashini tiladi.

Xuddi shunday bayram tadbiri “Chordara” mahallasi fuqarolari ishtirokida ham bo‘lib o‘tdi. Bugun olib borilayotgan barcha islohotlar xalqimizning baxtiyorlikda hayot kechirishiga xizmat qilayotganligini alohida ta’kidlagan nuroniylar duoga qo'l ochdilar. 

Kattaqo‘rg‘on shahar hokimligi axborot xizmati.