Bugun, shahar hokimining birinchi o’rinbosari I.Mamatov tomonidan mas'ullar hamrohligida shahrimizning “Kunjupay” mahallasida joylashgan "MAROQAND GOLD OIL EKSTRAKSIYA" MChJ ning faoliyati o'rganildi.

Mazkur korxona asosan o’simlik yog’i ishlab-chiqarishga ixtisoslashgan bo’lib, bugungi kunda bu yerda 15 nafar ishchi xodimlar faoliyat yuritib kelmoqda.
O‘rganish davomida korxonada amalga oshirilayotgan ishlab-chiqarish jarayonlari, mavjud texnologiyalar, ishchi-xodimlar uchun yaratilgan sharoitlar ko‘zdan kechirildi.

Shuningdek, ishlab-chiqarish hajmini oshirish, yog’ mahsulotlari eksportni kuchaytirish, yangi ish o‘rinlari yaratish va tashqi bozorda raqobatbardosh mahsulotlar yetishtirish bo‘yicha fikr almashildi.