Bugun SamDU Kattaqo‘rg‘on filialida xitoylik investorlar va kattaqo‘rg‘onlik tadbirkorlar ishtirokida “Biznes forum” o‘tkazildi. Samimiy tarzda bo‘lib o‘tgan uchrashuv doirasida Kattaqo‘rg‘on shahridagi tadbirkorlar tomonidan 20 dan ortiq loyihalar taqdim etildi.
Har ikkala tomon uchun ham foydali bo‘lgan yengil sanoat, oziq- ovqat, savdo-sanoat, ishlab chiqarish, to‘qimachilik va boshqa sohalar bo‘yicha loyihalar yuzasidan kelishuvlar amalga oshirildi. Shuningdek, kelishuvlarga ko‘ra 15 ga yaqin investitsion va biznes loyihalarni amalga oshirish bo‘yicha umumiy qiymati 47 mln. dollarlik biznes memorandumlar imzolandi.

O‘ylaymizki, ushbu hamkorlik Kattaqo‘rg‘on shahrini ijtimoiy-iqtisodiy rivojlantirish va investitsiya salohiyatini oshirishda muhim omil bo‘lib xizmat qiladi.

Kattaqo’rg’on shahar hokimligi axborot xizmati.