Kattaqo‘rg‘on shahar ixtisoslashtirilgan maktabda bugungi kunda 480 nafar o‘quvchiga 45 nafar tajribali, o‘z kasbining mutaxassisi bo‘lgan pedagoglar ta’lim tarbiya berib kelishmoqda.   
O‘tgan davrda ta’lim muassasasi direktori Javlon Abdullaev rahbarligida ko‘pgina yuqori natijalarga erishib, jamoa viloyat va respublika miqyosidagi olimpiada va tanlovlarda faxrli o‘rinlarni qo‘lga kiritib kelishmoqda. Shuningdek, 2022-2023 o‘quv yilida maktabning 25 nafar (100 foiz) 11-sinf bitiruvchilari muddatidan oldin Xalqaro moliya va texnologiyalar instituti talabasi bo‘lishdi.

J.Abdullaev va maktab jamoasi mehnatlari natijasida o‘quvchilari turli darajadagi milliy va xalqaro sertifikatlarni qo‘lga kiritishdi. O'tgan o'quv yilida maktabni 21 nafar bitiruvchilaridan 17 nafari davlat, 4 nafari xorijiy OTMlarning talabasi bo‘lishdi. O‘quvchilarning o‘rtacha kirish ballariga nisbatan shahar maktablari o‘rtasida 1-o‘rin, viloyatdagi 1200 dan ortiq maktab ichida10-o‘rinni egalladi.