Bugun Kattaqo‘rg‘on shahar "Do‘stlik" o‘yingohida shahrimizning “Do‘stlik” va Ishtixon tumanining “Ishtixon” futbol klublari o‘rtasida Samarqand viloyat birinchiligi 2-liga yakuniy futbol o‘yini o‘tkazildi.
Sport tadbirini Kattaqo‘rg‘on shahar hokimi Gavhar Alimova ochib berdi va futbol jamoalariga omadlar tiladi.

Shundan so‘ng tadbirda ishtirok etgan viloyat Futbol assosatsiyasi 1-vitse prezidenti Nodir Mardonov tomonidan viloyatda futbolni rivojlantirishda qo‘shgan munosib hissasi uchun shahar hokimi Gavhar Alimovaga Samarqand viloyat hokimining tashakkurnomasini topshirdi.

Qizg‘in tarzda o‘tgan mazkur final o‘yini yakunida Kattaqo‘rg‘on shahar hamda Ishtixon tumani hokimlari 73 ochko bilan 2 o‘rinni egallagan “Do‘stlik” jamoasini va 76 ochko bilan 1 o‘rinni egallagan “Ishtixon” jamoasini samimiy tabriklashdi.