Bugun Toshkentdagi “Talabalar shaharchasida” Mustaqil Davlatlar Hamdo’stligi (MDH) miqyosida tashkil etilgan “Fidoyi xizmatlari uchun” xalqaro ilmiy-amaliy ko’rik-tanlovining taqdirlash marosimi bo’lib o’tdi. Mazkur xalqaro ko’rik-tanlovda Kattaqoʻrgʻon shahar Yoshlar ishlari bo’limi bosh mutaxassisi Ravshanbek Uchqunov ham faol ishtirok etib, “Fidoyi xizmatlari uchun” esdalik nishoni va qimmatbaho sovg’a bilan taqdirlandi.

Ushbu tadbirda mamlakatimizning xalqaro maydondagi obro‘-e’tiborini yuksaltirishga va shon-shuhratini oshirishga munosib hissa qo‘shayotgan, vatanimiz ijtimoiy-siyosiy hayotida faol ishtiroki, sadoqatli mehnat qilishi hamda hayotiy tajriba, ko‘nikmalari bilan yoshlarga namunali o‘rnak bo‘lib kelayotgan bir guruh soha vakillari taqdirlanishdi.