Bugun shahar harbiy qismda o‘tkazilgan tadbir ushbu shior ostida  bo‘lib o‘tdi. Unda shahar  harbiy qism qo‘mondonligiga biriktirilgan 1-sektor hududidagi mahallalarda yashovchi yoshlar va yoshlar yetakchilari ishtirok etdilar.
O‘zbekiston Respublikasi Mudofaa vazirining 2024-yil 19-iyuldagi 629-sonli buyrug‘iga asosan yoshlar o‘rtasida tashkil qilingan mazkur tadbir davomida harbiy-vatanparvarlik majmuaviy musobaqasi o‘tkazildi.

Sport musobaqalari, “Zakovat” intellektual o‘yini tadbirlarida yoshlar faol ishtirok etdilar va eng kuchlilar g‘olib topildi.
Jumladan, musobaqa yakuniga ko‘ra  1-o‘rinni “Chinobod” mahallasi,  2-o‘rinni “Oq-oltin” mahallasi hamda 3 –o‘rinni “Damariq” mahallasi yoshlari qo‘lga kiritdilar.G‘oliblarga tashakkurnoma va esdalik sovg‘alari taqdim etildi.

Kattaqo‘rg‘on shahar hokimligi axborot xizmati.