Jamiyatda doim o‘zining dolzarbligini yo‘qotmaydigan, ozgina loqaydlik tufayli tizginini yo‘qotib qo‘yish mumkin bo‘lgan masalalardan biri - bu farzand xususan, qizlar tarbiyasida odob axloq masalasidir. Shu boisdan ham oilada, odob-axloq va ta’lim-tarbiyaga e’tibor qon-qonimizga singib ketgan burchlarimizdandir. 

Bugun shahar Oila va xotin-qizlar bo‘limi tomonidan Xizmat ko‘rsatish va servis texnikumida o‘tkazilgan uchrashuv ushbu masalaga bag‘ishlandi.

⚡️So‘z olgan Oila va xotin-qizlar bo‘limi boshlig‘i Sh.Kuchkarova va mas’ullar qizlarning odob-axloqi, oiladagi muhit, tashqi ta’sirlar, o‘qituvchi pedagoglarning, jamoat tashkilotlarining mas’uliyati haqida so‘z yuritdi. Shuningdek, bu borada hamkorlikda ma’naviy-ma’rifiy tadbirlarni, turli tanlovlarni tashkil qilish lozimligi ta’kidlandi.

Zero, bo‘lg‘usi oila bekalari bo‘lgan qizlarning yuksak ma’naviyatli, odob axloqli bo‘lishi jamiyatni ilmli bo‘lishi,  komil farzandlarning dunyoga kelishida muhim ahamiyat kasb etadi.