Zulfiya davlat mukofoti uchun tanlovning shahar bosqichi yuqori saviyada o‘tkazildi. Tanlovda ishtirok etgan 50 ga yaqin iqtidorli qizlarning 6 nafari viloyat bosqichida ishtirok etish huquqini qo‘lga kiritdilar. 

Bugun shahar hokimligida o‘tkazilgan tadbirda Oila va xotin-qizlar bo‘limi tomonidan g‘olib qizlar tashakkurnoma va esdalik sovg‘alari bilan taqdirlandi. 

Tadbirda ishtirok etgan shahar hokim o‘rinbosari, Oila va xotin-qizlar bo‘limi boshlig‘i Shaxlo Kuchkarova, Yozuvchilar uyushmasi a’zosi Erkatosh Shukurova hamda faxriy jurnalist Fazilat Abdullaevalar g‘olib qizlarimizga viloyat bosqichida ham faol ishtirok etib, yuqori o‘rinlarni qo‘lga kiritishlariga tilak bildirdilar.    

Kattaqo‘rg‘on shahar hokimligi axborot xizmati.