Shifokorlar  timsolida xalq salomatligi yo‘lida o‘z halovatidan kechib, kunni tunga ulab, fidokorona mehnat qilayotgan sharafli kasb egalarini ko‘ramiz. 
Bugun shahar Tibbiyot birlashmasida faoliyat ko‘rsatib kelayotgan, inson sog‘lig‘ini asrash va mustahkamlashga hayotini bag‘ishlagan shifokor va o‘rta tibbiyot xodimlari uchun bayram tadbiri tashkil etildi.

Bayram tadbirida ishtirok etgan shahar hokimi Gavhar Alimova soha vakillarini kasb bayramlari bilan tabriklab, aholi salomatligini muhofaza qilish, jamiyatda sog‘lom turmush tarzini mustahkamlash borasidagi samarali mehnatlarini alohida e’tirof etib, bir guruh tibbiyot xodimlariga shahar hokimligining faxiy yorliqlari hamda esdalik sovg‘alarini topshirdi.

Shundan so'ng tadbirning badiiy qismida san’atkorlar va xonandalar tomonidan ijro etilgan kuy, qo‘shiqlar barchaga xush kayfiyat bag‘ishladi.

Kasb bayramingiz muborak bo‘lsin, aziz tibbiyot xodimlari!

Kattaqoʻrgʻon shahar hokimligi axborot xizmati.