Tajribali pedagog Dilfuza Anziratova Kattaqo‘rg‘on shahridagi “NEW TECHNO AGE” boshlang‘ich nodavlat ta’lim maktabini 4 yil davomida boshqarib keldi. Uning rahbarligida maktabda yoshlarni bilim va iqtidorlarini ro‘yobga chiqarish borasida zamonaviy pedagogik texnologiyalardan keng foydalanish yo‘lga qo‘yilgan.

D.Anziratovaning tashabbuskorligi bilan maktab o‘quvchilari turli tanlovlarda jumladan, «KENGURU», Mental arifmetika olimpiadasining ochiq turnirlarida yuqori natijalarga erishgan. Mashg‘ulotlaridan tashqari o'quvchilarning muzey, teatr, kutubxonaga muntazam sayohatlari tashkil qilingan.

Yoshlar siyosati, xotin-qizlar va gender tenglik masalalari bo‘yicha doimiy komissiya raisi sifatida D.Anziratova mahallalarda aholi o‘rtasida yangi qonunlar, qarorlar, murojaatnomalar, inson manfaati yo‘lida olib borilayotgan islohotlar, tadbirkorlik va uni rivojlantirish borasida o'z faoliyatini amalga oshirib kelmoqda.