Kattaqo‘rg‘on shahrida maktab o‘quvchilari o‘rtasida sportning Shaxmat turi bo‘yicha “Hokim kubogi” musobaqasining shahar bosqichi o‘tkazildi. Unda shahrimizning umumta’lim maktablarida tahsil olayotgan yosh shaxmatchilar o‘zaro kuch sinashdi. 

Qiziqarli bahslar bilan o‘tkazilgan musobaqa yakunida 17-IDUM jamoasi 1-o‘rinni, 15-maktab jamoasi 2-o‘rinni va 9-maktabning yosh shaxmatchilar jamoasi 3- o‘rinni qo‘lga kiritdi. 

Musobaqada ishtirok etgan shahar hokimi Gavhar Alimova hamda mutasaddi rahbarlar faol qatnashgan ishtirokchilarni tabriklab, yakunida faxrli o‘rinlarni egallagan maktab jamoalariga, g‘olib bo‘lgan yosh shaxmatchilarga shahar hokimligining diplomi va qimmatbaho esdalik sovg‘alar topshirildi.

Shahar bosqichida g‘olib bo‘lgan 17-IDUM jamoasi musobaqaning viloyat bosqichida ishtirok etish huquqini qo‘lga kiritdi.

Kattaqoʻrgʻon shahar hokimligi axborot xizmati.