insurez
27-11-2025 16:09

Kattaqo'rg'on shahrida "Rahbar va Bolalar" uchrashuvi tashkil etildi


Har bir bola o'zgacha bir olam, har bir bolaning o'z qarashlari, orzu-maqsadlari bor. Ularni tinglash, qo'llab-quvvatlash kelajak uchun ildam borayotgan bolalarga katta ilhom va kuch bag'ishlaydi.

Shu maqsadda bugun Kattaqo'rg'on shahar hokimi Gavhar Alimovaning Kattaqo’rg’on Pedagogika instituti binosida yoshlar bilan o’tkazilgan ochiq muloqoti ham kattaqo’rg’onlik yoshlarga o’zgacha kayfiyat bag’ishladi. 
So’zga chiqqan shahar hokimi shahrimizda yoshlar uchun yaratilgan imkoniyatlar, ular tomonidan qo’lga kiritilgan yutuqlar, kelgusida amalga oshiriladigan ishlar haqida so’z yuritdi.  

Muloqot davomida ishtirokchilarning taklif va tashabbuslari, kelajak rejalari tinglandi. Bolalar tomonidan bildirilgan samimiy tilaklar iliq qarshi olindi. Ularning eng kichik tashabbusdan eng katta loyihagacha rahbarlar tomonidan alohida e'tibor qaratildi.

Ochiq muloqot yoshlarni kelgusida ulkan maqsadlarni amalga oshirishlari uchun ahamiyatli bo’ldi.

Teglar
- -