Xalq deputatlari viloyat, tuman va shahar Kengashi deputatining maqomi to‘g‘risidagi O‘zbekiston Respublikasi Qonuni 2004-yil 2-dekabr 706-II-son bilan qabul qilingan. Ushbu qonun 3 bo‘lim 17 ta moddadan iborat bo‘lib, xalq deputatlari viloyat, tuman va shahar Kengashi deputatining huquqlarini, majburiyatlarini hamda deputatlik faoliyatining asosiy kafolatlarini belgilab beradi. Qonunning 7-moddasida-tegishli xalq deputatlari Kengashining deputati o‘z okrugi saylovchilari bilan, uni deputatlikka nomzod qilib ko‘rsatgan siyosiy partiya bilan aloqa bog‘lab turadi, tegishli xalq deputatlari Kengashida ularning manfaatlarini ifoda etadi. Ushbu moddaning ijrosini ta’minlash maqsadida xalq deputatlari Kattaqo‘rg‘on shahar Kengashi deputatlari tomonidan o‘z saylovchilari oldida axborot berish tartibi 2025-yil 14-fevral VII-6-17-7-106-K/25-sonli qarori tasdiqlandi. Qarorda xalq deputatlari mahalliy Kengashlari deputatlari tomonidan o‘z saylovchilari oldida axborot berishining namunaviy tartibida deputatlar vaqti-vaqti bilan, lekin yiliga kamida to‘rt marta saylovchilarga o‘z faoliyati yuzasidan axborot berishining tashkiliy-uslubiy jihatlari belgilangan. Deputatning saylovchilarga o‘z faoliyati to‘g‘risida axborot berishidan asosiy maqsad-uning o‘z saylovchilari oldidagi mas’uliyatini va hisobdorlik hissini oshirish, deputatlik faoliyatining ochiqligini, aholining xabardorligini kuchaytirish va pirovardida xalqning vakillik organlariga bo‘lgan ishonchini mustahkamlashdan iborat. Deputatning o‘z faoliyati to‘g‘risidagi axborotida quyidagilar bo‘lishi mumkin: deputatning saylovoldi dasturi ijrosi yuzasidan qilingan ishlar; mahalliy davlat hokimiyati organlariga yuborilgan deputat so‘rovlari, murojaatlar hamda ularning ijrosi yuzasidan amalga oshirilgan ishlar haqidagi ma’lumotlar; xalq deputatlari shahar Kengashi sessiyasida hududiy davlat organlari mansabdor shaxslarining hisobot (axborot)larini eshitish va eshituv yakunlari bo‘yicha erishilgan natijalar haqidagi ma’lumotlar; hududdagi davlat organlari va tashkilotlari hamda fuqarolarning o‘zini o‘zi boshqarish organlari va boshqa mutasaddi tashkilotlar bilan hamkorlik aloqalari to‘g‘risidagi ma’lumotlar; norma ijodkorligi faoliyati to‘g‘risidagi axborot; deputatning aholi murojaatlari bilan ishlash holati yuzasidan qilingan ishlari haqidagi ma’lumotlar; o‘z saylov hududida axborot davri mobaynida amalga oshirgan ishlari to‘g‘risidagi, shuningdek, oldingi uchrashuv yakuni bo‘yicha davlat organlari va tashkilotlariga yuklatilgan vazifalarning ijrosi haqidagi ma’lumotlar; o‘z saylov okrugidagi ijtimoiy, iqtisodiy, ekologik, maishiy va boshqa muammolar, ularni bartaraf etish bo‘yicha rejalar; navbatdagi axborot berish davrigacha bo‘lgan muddatda amalga oshiriladigan ishlar. Xalq deputatlari Kattaqo‘rg‘on shahar Kengashi deputatlarining joriy yilda saylovchilar oldida o‘z faoliyati va kelgusidagi rejalari yuzasidan axborot berish reja-grafigi ishlab chiqilgan bo‘lib. Ushbu reja-grafikda deputat uchrashuv o‘tkazadigan hududi, uchrashuv o‘tkaziladigan sana, uchrashuv o‘tkaziladigan bino to‘g‘risida ma’lumotlar shakllantirilgan. Xalq deputatlari Kattaqo‘rg‘on shahar Kengashi deputatlari xar chorakning birinchi o‘n kunligida saylovchilar oldida axborot berib boradi. Bugungi kunga kelib deputatlar tomonidan birinchi chorakda jami; 19 ta saylovchilar bilan uchrashuvlar o‘tkazilgan. Har bir deputatlar tomonidan aniqlangan muammolar Kengash kotibiyatiga topshirilib yig‘ilgan muammolar bo‘yicha alohida chora-tadbirlar dasturi ishlab chiqildi hamda deputatlar tomonidan jami; 24 marta deputatlik surovlari tegishlik tashkilot rahbarlariga yuborilib deputatlik nazorati o‘rnatilib borilmoqda.

Normurod Hakimov ,

Xalq deputatlari Kattaqo‘rg‘on shahar Kengashi Kotibiyat mudiri.