Qandolatchilikni keng targ‘ib qilish, shaharning uzoq yillik an’analarini davom ettirish, o‘sib kelayotgan yosh avlodga yetkazish, ularning iste’dodi, ijodiy qobiliyatlarini aniqlash va yuksaltirish maqsadida umumta’lim maktablar o‘quvchilari o‘rtasida “Kattaqo‘rg‘on non va shirinliklari” rasmlar ko‘rik-tanlovi o‘tkazildi.

Bugun shahrimizdagi 17- maktabda tanlov yakuni bo‘yicha g‘oliblarni taqdirlash tadbiri o‘tkazildi. Unda shahar hokimi o‘rinbosarlari, Maktabgacha va maktab ta’lim bo‘limi, jamoatchilik vakillari ishtirok etdi.

Tadbirda so‘z olganlar mazkur tanlovning yoshlarni milliy qadriyatlarimizga hurmat ruhida tarbiyalashda ahamiyati katta ekanligini ta’kidladilar. 

Umumta’lim maktablarning yuqori hamda 5-7 sinf o‘quvchilari o‘rtasida o‘tkazilgan tanlov natijalariga ko‘ra faxrli birinchi o‘rinlarni  17- hamda 6- maktab o‘quvchilari egalladi.

G‘oliblarga diplom va shahar hokimligining sovg‘alari topshirildi.