2024/2025-o‘quv yili qabulida kasbiy (ijodiy) imtihoni mavjud bakalavriat ta’lim yo‘nalishlariga ro‘yxatdan o‘tgan abituriyentlar uchun imtihonlar respublika bo‘yicha 2024-yil 5–19-iyul kunlari 53 ta oliy ta’lim muassasasida o‘tkazilishi belgilandi.

Jumladan, SamDU Kattaqo‘rg‘on filialida ham ilk bor Musiqa ta'limi yo‘nalishiga qabul qilinayotgan abituriyentlardan ijodiy imtihon qabul qilinadi. 

Joriy yilning 5-iyul kuni Oliy ta'lim, fan va innovatsiyalar vazirligi bo‘lim boshlig‘i Diyor Umarov, mutaxassis G‘.Tog‘ayev filialimizda bo‘lib, ijodiy imtihon jarayonlariga ko‘rilgan tayyorgarlikni ko‘zdan kechirdi. Vakil o‘z tavsiyalarini berib, tayyorgarlikni yuqori baholadi.