Kuni kecha Namangan shahrida futbol bo‘yicha o‘tkazilgan Kubok egalari kubogi uchun respublika birinchiligi final o‘yinida shahrimizning "Do‘stlik" futbol jamoasi g‘olib bo‘lib, respublika kubogini qo‘lga kiritgan edi.

Shuningdek, Termiz shahrida "Besh tashabbus olimpiadasi" doirasida stritbol bo‘yicha o‘tkazilgan musobaqaning respublika bosqichida Kattaqo'rg'on shahar "Zomin" mahallasi yoshlari faxrli I-o'rinni egallab, shahrimizda yana bir sport maydoni barpo etilishi imkoniyatini qo‘lga kiritishdi.

Bugun shahar darvozasi oldida shahar sektor rahbarlari, jamoatchilik va yoshlar vakillari tomonidan ushbu g‘olib yoshlarni tantanali kutib olish marosimi bo‘lib o‘tdi. Unda ishtirok etgan shahar hokimi G.Alimova, shahar prokurori I.Nuriddinov va faollar sportchi yoshlarimizni tabriklab, o‘zlarining ezgu tilaklarini bildirishdi.

Kattaqo‘rg‘on shahar hokimligi axborot xizmati.