Bugun Qorasuv massivida joylashgan sport akademiyasining mini-futbol maydonida "G'ayratli keksalar" shiori ostida tashkil etilgan nuroniylar o'rtasidagi mini-futbol musobaqasining viloyat bosqichiga start berildi. Unda 16 ta shahar va tumanlardan g'olib deb topilgan futbol jamoalari ishtirok etdilar. O'yin boshlanish oldidan  viloyat "Nuroniy" jamg'armasi raisi Shuhrat Negmatov so'zga chiqib barcha jamoalarga bellashuvda  muvaffaqiyat tiladi. Tashlangan qo'ra asosida jamoalar o'z raqiblari bilan bellashushga kirishdilar. 

⚡️Mazkur musobaqada ishtirok etayotgan Kattaqo’rg’on shahri nuroniylar futbol jamoasi Nurobod tumani jamoasini 2-0 hisobda mag’lub etib, 1\4 finalga chiqdi. 

Shahrimizning nuroniylar jamoasiga keyingi o'yinlarida omad tilab qolamiz.