Bugun Kattaqo‘rg‘on shahar "Do‘stlik" o‘yingohida shahrimizning “Do‘stlik” va Ishtixon tumanining “Ishtixon” futbol klublari o‘rtasida Samarqand viloyat kubogi uchun yakuniy final futbol o‘yini o‘tkazildi.

Qizg‘in bahslar bilan o‘tgan mazkur final o‘yini yakunida 4:0 hisobi bilan Kattaqo‘rg‘on shahar “Do’stlik” futbol jamoasi g’olib bo’ldi va “Samarqand viloyat kubogi”ni qo’lga kiritdi.          

Mazkur sport tadbirida ishtirok etgan Kattaqo‘rg‘on shahar hokimi Gavhar Alimova, shahar sektor rahbarlari, viloyatdan tashrif buyurgan mutasaddilar futbol jamoalariga omadlar tilashdi.

Ushbu g‘alaba “Do’stlik” jamoasining har bir o’yinchisi va murabbiylarning uzluksiz mehnati, shuningdek, muxlislarning qo‘llab-quvvatlashi natijasidir. 

Shahrimiz futbol jamoasiga 1-liga saralash o‘yinlarida ham omadlar tilaymiz!

Kattaqoʻrgʻon shahar hokimligi axborot xizmati.