Bugun Kattaqo'rg'on shahar FVB tomonidan otaliqqa olingan yoshlar o'rtasida “Favqulodda vaziyatlar vazirining kubogi” uchun sport musobaqasi o'tkazildi

Musobaqada 2-sektor hududidagi mahallalarda FVB xodimlari tomonidan otaliqqa olingan va uyushmagan yoshlardan iborat 5 ta jamoa sportning voleybol, shaxmat va 100x4 estafeta turlarida g‘oliblik uchun bahslarga kirishdi.

Murosasiz va qizg'in ruhda o'tgan musobaqa yakunida faxrli 1-o'rinni va musobaqa chempionligini "Qoriravot" mahallasi yoshlari, faxrli 2-o'rinni "Bahoriston" mahallasi va faxrli 3-o'rinni Noqis mahallasi jamoasi egallab, diplom va esdalik sovg'alar bilan taqdirlanishdi.

Shahar bosqichida g'oliblikni qo'lga kiritgan "Qoriravot" mahallasi yoshlari musobaqaning viloyat bosqichi yo'llanmasiga ega bo'ldi.