🏆Kuni kecha Samarqand shahar “Dinamo” stadionida shahrimizning “Do‘stlik” va Farg‘onaning “Bog‘dodchi” futbol klublari o‘rtasida 1-ligaga o‘tish turnirining final uchrashuvi o‘tkazildi. Ushbu mas’uliyatli o‘yinnda 5:4 hisob bilan shahrimizning “Do‘stlik” jamoasi g‘alaba qozondi va 1-o‘rin bilan O‘zbekiston 1-ligasiga o‘tish huquqini qo‘lga kiritdi.

Shahar hokimligi oldida shahar sektor rahbarlari, jamoatchilik va yoshlar vakillari tomonidan “Do‘stlik” futbol jamoasini tantanali kutib olish marosimi bo‘lib o‘tdi. Unda ishtirok etgan shahar hokimi G.Alimova, shahar prokurori I.Nuriddinov va faollar futbolchilarimizni tabriklab, o‘zlarining ezgu tilaklarini bildirishdi.

Biz jamoaning barcha a’zolari, bosh murabbiy Ravshan Alievga va jamoani muvaffaqiyatga erishishi yo‘lida qayg‘urayotgan fidoiy insonlarga minnatdorchilik bildiramiz hamda “Do‘stlik” futbol klubiga 1-ligada, keyinchalik esa oliy ligada ham yuksak zafarlarga erishishida omadlar tilaymiz!