Maktabgacha  taʼlim yosh avlodning  keyingi taʼlim bosqichlarini muvaffaqiyatli  amalga oshirishida muhim ahamiyat kasb etadi. Zero yoshlikda olgan bilim toshga oʻyilgan naqsh kabidir. Shu maqsadda bugun maktabgacha taʼlim tashkilotlarida barcha shart-sharoitlar yaratildi. 

Shahrimizdagi 5 maktabgacha taʼlim tashkilotida  boʻlib oʻtgan seminarga tashrif buyurgan  tadbir ishtirokchilari buning guvohi boʻldilar.
Seminar avvalida mehmonlar muassasadagi imkoniyatlar, oʻquv mashgʻlotlarining oʻtishi, sport musiqiy bilim olishlari uchun berilgan imkoniyatlar, bolalarning ovqatlanishlari uchun yaratilgan sharoitlarni koʻzdan kechirdilar.   

Shuningdek, tarbiyalanuvchilar tomonidan tayorlangan musiqiy chiqishlar, sahna koʻrinishlari ham ishtirokchilarga manzur boʻldi.
Tashkilot rahbarining  ish faoliyati yuzasidan taqdimoti  bilan tanishgan mehmonlar bu borada oʻzlarining  iliq fikrlarini bildirdilar.