Prezidentimiz tashabbusi bilan boshlangan "Yashil makon" umummilliy loyihasi tobora keng quloch yoymoqda. SamDU Kattaqo'rg'on filialida ham ushbu loyiha doirasida obodonlashtirish ishlari amalga oshirib kelinmoqda.

Talaba-yoshlar hamda professor-o'qituvchilar tashabbusi bilan loyiha doirasida yana bir ezgu tashabbusga qo'l urildi. "Samarqand suv ta'minoti" MCHJ Kattaqo'rg'on shahar bo‘limiga qarashli Ko'rpa suv inshootining bo'sh turgan yer maydonida SamDU Kattaqo'rg'on filialining "Botanika bog'i" tashkil qilindi.

"Yashil makon" loyihasi doirasida tashkil qilingan bog'da filial direktori Sherzod Urakov boshchiligida Aniq va tabiiy fanlar fakulteti professor-o'qituvchilari, talabalar, fakultet tyutorlari tashabbus ko'rsatib, 550 tup mevali daraxt ko'chatlari o'tqazishdi.