26 октябрь куни Ингичка шаҳарчасида шаҳар ҳокими М. Хашимов иштирогида тезкор йиғилиш ўтказилди. Унда шаҳардаги 35 та корхона,  ташкилот   ва муассаса раҳбарлари қатнашди.
-Халқ таълими бўлими, Мактабгача таълим муассасалар бўлими,  газ идораси раҳбарлари Ингичкага неча марта келдингиз?- деб савол берди ҳоким. Бу ердаги муаммоларни ечишга киришмас эканмиз, шаҳарда олиб бораётган фаолиятимиздаги ютуқлар билан мақтанишга ҳаққимиз йўқ. Ҳоким сўзида Ингичкадаги бўлим ва филиаллари бўлиб туриб уларнинг ўз ҳолига ташлаб қўйган ташкилот раҳбарларини танқид қилди.

Муҳтарам президентимизнинг  ташаббуси билан Ўзбекистон халқини шахсий уй-жой билан таъминлаш ислоҳотларнинг энг асосий йўналишларидан бири этиб белгиланган. 
Давлатимиз раҳбари Шавкат Мирзиёев томонидан имзоланган 2016 йил 22 ноябрдаги “2017-2020 йилларда шаҳарларда арзон кўп қаватли уйларни қуриш ва реконструкция қилиш дастурини амалга ошириш чора-тадбирлари тўғрисида”ги қарорга биноан ҳар йили  минглаб оилалар ўз турар-жойларига эга бўлишмоқда.

Ички ишлари идоралари ходимлари куни муносабати билан Каттақўрғон шаҳар "Биллур" маросимлар масканида тадбир бўлиб ўтди. Унда ИИБ ходимлари, фахрийлари ҳамда кенг жамоатчилик вакиллари иштирок этдилар. Шаҳар ҳокими М.Хашимов соҳа ходимларини байрам билан табриклаб, шаҳримизнинг тинчлиги ва осойишталиги йўлида муносиб хизмат қилиб келаётган бир гуруҳ  ходимларга ҳокимликнинг ташаккурномаси ва эсдалик  совғаларини топширди. 

Олий Мажлис Сенатининг "Ёшлар, маданият ва спорт масалалари" қўмитаси раиси ўринбосари Рўзибой Саидов,  қўмита аъзоси,  сенатор Нигора Раббимовалар Каттақўрғон шаҳрига ташриф буюрдилар. Бундан кўзланган  мақсад янги қабул қилинган қонун ва қарорларни аҳолига етказиш, сайловларга оид янгиликлар хусусида аҳоли билан суҳбатлашишдир.
Шаҳар мусиқа мактаби биносида Очиқ мулоқот тарзида ўтган тадбирда шаҳар ҳокимлиги, коллеж, мактаб, маҳалла,  ва бошқа идоралар вакиллари иштирок этди.

Дунёнинг барча мамлакатларида ўзининг миллатига оид ҳужжатларини сақлаш ва келажак авлодга етказиш мақсадида архив тизими яратилган. Тарихда кўҳна Ўзбекистонда 1918 йил 1 июнда ҳукумат томонидан эълон қилинган “Архив ишини қайта қуриш ва марказлаштириш тўғрисида’’ги декретдан сўнг барча архивлар марказлаштирилган. Мазкур декретга асосан Республиканинг Ягона Давлат Архив Фонди ташкил этилган. Уни Туркистон Республикаси Архив иши бошқармаси бошқарган.