Ингичкада шаҳарчасида  8 декабрь - Конституция куни муносабати билан байрам дастури бўлиб ўтди.
Тадбирда  Тошкентнинг “Сезам” ансамбли хонандалари, шунинг маданият бўлимининг истеъдодли санъаткорлари томонидан концерт дастури  намойиш этилди.
Байрам тадбирида шаҳар ҳокими М.Хашимов, Халқ қабулхонаси мудири Х.Шодиева, ҳоким ўринбосари, Хотин-қизлар қўмитаси раиси Ф. Раҳимова, Шаҳар  ИИБ бошлиғи О.Мухамадиевлар қатнашдилар.

Ўқитувчилар малакасини оширишда методистлар ўрнини менторлар эгаллайди. Малака ошириш институти негизида Халқ таълими академиясини ташкил этиш режалаштирилмоқда.

Халқ таълими вазирлиги томонидан ўқитувчилар билимини аниқлаш мақсадида Сирдарё вилоятида тест синовлари ўтказилди. Унда вилоятдаги 12261 нафар педагог ва мактаб директорларининг 66 фоизи қониқарсиз баҳо олди. Бу ҳақда Халқ таълими вазирлиги Ахборот ва оммавий коммуникациялар агентлигида ўтказилган матбуот анжуманида маълум қилди.

ОТМ талабалари ҳамда лицей ва коллеж ўқувчилари ўз яшаш жойларида парламент сайловларида овоз беришлари учун одатдагидан барвақтроқ қишки таътилга чиқади.

Тошкентда «Умид» жамғармаси битирувчиларининг биринчи халқаро анжумани ўтказилади. Улар мамлакатни демократлаштириш, таълим, сармоявий иқлим ва бошқа масалаларни муҳокама қилади. Сўнгра таклифлар тегишли давлат органларига тақдим этилади.

Президент имзолаган қарорга кўра, марказлаштирилган иссиқлик таъминоти тизими 2019−2024 йилларда босқичма-босқич ёпиқ тизимга ўтказилади.

«Иссиқлик таъминоти тизимини такомиллаштириш ва иссиқлик таъминоти корхоналарини молиявий соғломлаштиришга оид қўшимча чора-тадбирлар тўғрисида» президент қарори қабул қилинди. Бу ҳақда «Ҳуқуқий ахборот» канали орқали хабар берилди.