Кейинги йилларда юртимизда мактабгача таълим тизимида туб ислоҳотлар қилиниб, соҳа фаолиятини такомиллаштириш борасида кўплаб ишлар амалга оширилди. Шаҳримиздаги 2-сектор ҳудудига қарашли “Баҳористон” маҳалла фуқаролар йиғинида якка тартибдаги тадбиркор Озода Худойназарованинг ташаббуси билан 25 ўринга мўлжалланган мактабгача таълим муассасасининг иш бошлаши ана шу саъй-ҳаракатларнинг амалий натижаси десак тўғри бўлади. Бугун ана шу нодавлат мактабгача таълим муассасасининг очилиши бўлиб ўтди.
Унда шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари А.Ибрагимов, шаҳар Мактабгача таълим бўлими мудири ўринбосари У.Жалолов, “Қориравот” жомеъ масжиди имом хатиби С.Рўзиев ҳамда “Баҳористон” маҳалла фуқаролар йиғини фаоллари иштирок этишди.