Умумтаълим мактабларида маънавий-маърифий ишлар самарадорлигини ошириш, ўқувчи-ёшларда кенг маънавий-маърифий дунёқарашни шакллантириш мақсадида Халқ таълими вазирлиги, Республика Маънавият ва маърифат маркази, Ўзбекистон Журналистлари ижодий уюшмаси ҳамда Ёзувчилар уюшмасининг 2021 йил 20 апрелдаги “Умумий ўрта таълим муассасаларида ижодий-маданий масалалар бўйича тарғиботчи лавозимини амалиётга жорий этиш тўғрисида”ги қарорига мувофиқ, ижодий-маданий масалалар бўйича тарғиботчи лавозими жорий этилди.
Ижодий-маданий тарғиботчилар томонидан умумтаълим мактабларида турли тадбирлар, танловлар, ёзувчи-шоирлар, журналистлар билан давра суҳбатлари ўтказиб келинмоқда.
Бугун ушбу тадбирлар доирасида шаҳримиздаги 17 -ИДУМда ҳам мактабнинг ижодий-маданий тарғиботчиси ташаббуси билан ижодкорлар Каттақўрғон шаҳар Драма театри актёри Ҳабиб Абдуллаев, шоира, журналист Фазилат Абдуллаевалар иштирокида учрашув ва давра суҳбати бўлиб ўтди.
Тадбирни мактабнинг ижодий-маданий тарғиботчиси Жамшид Носиров очиб берди.
Дастлаб ижодкорлар ўз ижодий фаолияти, соҳага кириб келиш ва бугунда эришган муваффақиятларининг сирлари ҳақида ўқувчи-ёшлар билан ўртоқлашдилар.
Самимий давра суҳбати тарзида бўлиб ўтган учрашув давомида ўқувчи-ёшлар ўзларини қизиқтирган саволларга жавоб олдилар.
Учрашув давомида ижодкорлар томонидан айтилган шеърлар тадбир иштирокчилари томонидан катта қизиқиш билан қарши олинди.
Каттақўрғон шаҳар ҳокимлиги Ахборот хизмати