Ахборотни эркин олиш ва тарқатиш кафолатланади

"Журналистлик фаолиятини ҳимоя қилиш тўғрисида"ги Қонунга кўра:

- журналист ахборот тўплаш ва текширув ўтказиш ҳуқуқига эга;

-журналист текшируви даврида у қўлга киритган материаллар ва ҳужжатлар олиб қўйилиши ёки кўздан кечирилиши мумкин эмас;

- давлат журналистга ахборотни эркин олиши ва тарқатишини кафолатлайди, ўз касбига доир фаолиятни амалга оширишида унинг ҳимоя қилинишини таъминлайди;

- журналистнинг фаолиятига аралашиш, ундан ўз касбига доир вазифаларни бажариш чоғида олган бирор бир маълумотни талаб этиш тақиқланади.

Журналист ўз фаолиятини амалга ошириш юзасидан мансабдор шахс қабулида бўлиш, маълумотларни белгиланган тартибда зарур техника воситаларидан фойдаланган ҳолда ёзиб олиш ҳуқуқига эга.

Бу ҳақда Адлия вазирлигининг “Ҳуқуқий ахборот” телеграм каналида маълум қилинди.